趁好天快啲出去玩啦！
個公園係山上邊！佔地3.4萬平方米！
環境超舒服，鳥語花香，景觀開揚！公園仲好新淨又夠大！玩到樂而忘返呀！
我哋行錯路啊！本身有條路行樓梯上7分鐘上山就到，就係呢條天橋右手邊，我地擦身而過添⋯
A1出口一出就見到巴士總站，行過坪石邨就見到呢個位，
不過如果推BB車，行呢條路就啱啦！
一直沿着馬路邊行人路行上山，大約10至15分鐘就到！
終於到啦！行左條山路有啲攰⋯
我哋兜左大半個圈！終於到達！
嘩！好廣闊，藍天白雲！
遠古恐龍時代作主題，有恐龍化石、恐龍足跡腳印⋯
城堡造型sir滑梯，有兩層高！
好高呀！上邊睇風景好正！
兩層高旋轉sir滑梯！
最鍾意喺度扮買嘢！
我：要一個朱古力雪糕，唔該
仔：多謝！
用盡大小肌肉，放電一流！
罕有油壓升降機設施，好好玩呀！
企上去就會慢慢降落黎！
隔離有個幼兒版城堡滑梯，得一層嘅～
海洋造型設計，地下一粒粒黑珍珠，可以當櫈坐㗎！
有三款鞦韆，除咗平時玩開嘅款，仲有個椅子款架！
好搞笑！唔驚飛出嚟啦！
恐龍蛋外牆，影相打卡一流！
色彩繽紛，好靚啊！
特大巨型對講機，另一邊會聽到講嘢㗎XD
捐山窿！穿過去唔知見到咩呢？
好大粒恐龍蛋，入去做恐龍BB先～
恐龍尾巴造型樓梯～呢個公園每個設計都好得意呀！
另一邊有船坐！
平衡力都唔錯喎！
呢個係氹氹轉，包你轉到暈！
上面一層有座椅，休息下先～黎個下午茶
原來有個天然草地球場，免費租用的！
遊樂場亦設有多種康樂設施如籃球場、七人足球場、網球場、緩跑徑等～
再行前啲有洗手間同更衣室，都好方便
周圍行下，有花有草包圍着！好舒服
話咁快已經兜左成個公園啦！
原來有三個入口入黎架：坪石邨、彩雲邨及彩德邨
就係呢條山路啦！直接行落去彩虹港鐵站
大約行五分鐘就落到山啦
係咪好熟面口呢！就係我哋頭先行過左果條天橋，哈哈！
條山路就喺下面啦！頭先真係睇漏眼～
記得行呢條路啦～可以快速上山玩！
坪石遊樂場
地址：九龍平山彩石里
開放時間：6:00- 23:00
交通：港鐵彩虹站A1出口步行約7分鐘（坪石邨入口上）
————————————
Follow 埋 IG:https://www.instagram.com/chochomamami/
80個＋親子好去處(不定時更新)
https://www.facebook.com/chochomamami/posts/1189315614545637
————————————
#3y6M #全職媽媽 #親子 #parentalblogger #hkblogger #好去處 #戶外 #遊樂場 #恐龍 #免費