繼續第二日行程！非常豐富同精彩㗎～
第二日行程去咗邊：洒店早餐>游水>觀瀾湖藝工場>Patio café>觀瀾湖生態體育園
仲有好多美食！見到都流晒口水～
尋晚11點先訓，呀仔人肉鬧鐘啊！今朝七點幾就起身～
落到大堂跟職員指示到綠茵閣食自助早餐，早餐供應時間：6:00-10:30，自助早餐係套票包埋嘅！
有BB櫈提供～有室外位置，不過我哋怕熱坐返室內！
早餐款式都多！味道唔錯～都啱我哋口味！
麵包、牛奶、粟米片、沙律、前菜、芝士⋯
點心、粉麵、雞蛋奄列、粥、熱盤等⋯
小朋友都好多嘢食可以選擇！
食飽飽又周圍行吓啦～玩下手印先！
跟住去酒店康體中心玩下！酒店套票包埋架！
波波池遊樂場九點開門
太早啦～未有人玩！哈哈
入面仲有個彈床架！
仲有太空沙玩！
有幾部遊戲機，乒乓波枱！
仲可以打羽毛球或者壁球
玩左一陣，再喺酒店周圍行吓先～
發現1樓同2樓都有親子房！夾埋4樓嗰兩間總共有四間兒童親子房～要早啲訂房，好full！
有興趣可以睇吓佢哋嘅親子房套票：
泳池隔離仲有健身室
去酒店嘅花園行下先
好有泰式風味！瞓喺吊床度都幾舒服喎！
休息左一陣就出發去泳池玩水啦！
提一提大家！大人同小朋友就要記得帶泳帽先可以落泳池！如果冇佢哋都有得售賣嘅～
天氣非常好！平日人真係唔算多！玩得好舒服～
最正係免費提供各式各樣水泡！
有鯨魚、魔鬼魚、鱷魚、海龜⋯小朋友勁開心！
泳池感覺地方清潔乾淨，小朋友大人玩得開心！
玩完水跟住就出發去觀瀾湖藝工場MHMaker！
都係搭返A線巴士去手藝工場落車就得！幾分鐘車程就到！
嘩！手藝工場有四層，好多唔同工作坊⋯
有好多手藝產品出售，見到有香港主題喎～幾特別！
馬克杯墊、橡皮章、筷子製作、木片彩繪、貝殼世界、軟陶小公仔等⋯很多不同手作體驗！
今次我哋體驗皮具製品製作！
先選擇要做嘅款式、顏色同布料～
有師傅帶領下親子製作冇難度呀！哈哈
一齊落手落腳做，感覺係唔同啲！好好玩～
仲可以印埋個名添~充滿心思嘅八達通卡套完成啦！
喺度大約逗留左兩小時，大家都好肚餓啦！出發去午餐～
離手工藝場步行到餐廳，大約5至10分鐘左右，都好近，亦可以搭返A線到巴迪奧餐吧，2個站轉過彎就到！
就係呢間The Patio Cafe
裝修格局好有外國風味～地方寬闊，坐得好舒服！
有BB椅、兒童餐具提供
嘩！因為太肚餓啦～叫到成枱都係！哈哈
養身沙律，材料好豐富呀！份量好多！個醬汁酸酸甜甜好開胃！好食～
燒春雞、M3澳洲和牛～都唔錯喎！
雜菌忌廉燴飯，小朋友啱食！
蘑菇忌廉湯、南瓜湯配餐包
西柚橙汁、雜果賓治～
食物質素唔錯！
小朋友都好啱食！睇佢食得幾開心～
店內仲有麵包、蛋糕售賣
餐牌俾你地參考吓～
酒店套票嗰$500餐飲卷，係呢間餐廳都可以使用㗎！
食飽飽繼續玩！觀瀾湖生態體育園就係餐廳隔離咋，大約行3至5分鐘路程就到！
生態體育園親子遊樂套票：$118人仔（包一大一小）
不過我哋嘅酒店套票係包埋嘅！所以唔使另外俾錢就可以入去玩啊！超級抵呀！
17:30後入場，入場門票優惠$30/1人
咁啱今次去有恐龍主題！公園內有好多恐龍呀！
啲恐龍識動識叫㗎！小朋友好鍾意～
仲有小火車同電動車
睇個地圖都知呢度勁大⋯一日真係玩唔晒！
一入門口左手邊已經有個兒童遊樂場！
超級大！地下仲喺沙池，睇落好好玩！
可惜我哋中午過嚟，陽光太猛烈，鐵做嘅遊樂場太熱玩唔到住！想玩嘅話可以選擇黃昏過嚟！
手搖船遊戲，個水池好大呀！
好靚呀！呢條行人道整緊薰衣草串花海，必到影相打卡！
遠處就見到摩天輪～好興奮呢！
今次我哋來玩遊樂場！
入面好多機動遊戲大人小朋友都啱玩～
海盜船，太刺激！爸爸媽媽話下次先玩！哈哈
呢款《空中自行車》推介俾大家要玩！
有點刺激又好玩！喺自行車上面望風景好靚～
兒童過山車，個仔見到條路軌就話要玩⋯
點知一啲都唔驚，玩得好開心湊！人仔細細咁大膽
碰碰車，撞車嗰一下小朋友勁興奮⋯
坐船仔，小朋友好鍾意！
由山衝落嚟果下好好玩！水花四錢～
好大個金魚池呀，仲可以玩撈金魚！
玩完啲機動遊戲已經好攰喇！
原來前面仲有好多嘢玩，野戰基地、動植物園、球類活動、仲有燒烤場⋯玩一日實在唔夠！
跟住去園內嘅巴迪奧冰室食下午茶！
除咗特色小食仲有飯同麵，玩到肚餓都唔使怕啦！
餐廳設計有懷舊香港特色！打卡一流
推介紅燒牛肉麵，牛肉好香！麵爽口～幾好食喎！
特別推介！炭燒豬扒包～
係用真正《炭火燒烤》，個包食落特別香，有炭火味～幾特別！
飲埋港式奶茶、懷舊玻璃樽汽水！好爽呀！
開心嘅時間過得特別快！最後返酒店搭預約好嘅酒店巴士到皇崗返香港～兩日一夜行程真係唔夠玩！啊仔玩到唔捨得走啊～下次要再嚟玩過呀！
*推介係官網買嘅酒店套票！套票包左好多活動～
唔使額外再付款～非常超值抵玩！
暑假同小朋友一齊去玩啦～
真係好full 㗎～要玩就快啲訂房啦！
第一日行程去咗邊：深圳觀瀾湖度假區>四季日本餐廳>觀瀾湖新城MH Mall>酷跑卡丁車>冰堡國際>Aeon kidzoona 莫莉幻想親子園>海底撈火鍋
———————————————
觀瀾湖官網：
https://www.missionhillschina.com/
官網直接訂深圳觀瀾湖洒店套票：
———————————————
Follow 埋 IG:https://www.instagram.com/chochomamami/
60款＋幼兒菜式分享(不定時更新)
https://www.facebook.com/chochomamami/posts/1156137214530144
80個＋親子好去處(不定時更新)
https://www.facebook.com/chochomamami/posts/1189315614545637
#深圳觀瀾湖 #觀瀾湖 #深圳美食 #四季日本餐廳 #綠茵閣 #Patio café #巴迪奧冰室 #觀瀾湖新城 #MH Mall #酷跑卡丁車 #冰堡國際 #觀瀾湖藝工場 #MH Maker #觀瀾湖生態體育園